“Amerikë, ju jeni fundosur dhe nuk keni shpëtim, ju jeni bërë pre e ushtarëve të kalifatit në çdo pjesë të tokës, ju jeni të falimentuar dhe shenjat e vdekjes suaj janë të dukshme për çdo sy”, ka thënë Abi al-Hassan Al -Muhajer, zëdhënës i grupit terrorist, raporton Reuters.
“Nuk ka provë më të madhe se fakti që ju jeni duke u drejtuar nga një idiot, që nuk e di se çfarë Siria apo Iraku, apo edhe Islami”- shtoi ai më tej. Shteti Islamik (ISIS) ka vendosur në shënjestër presidentin e Shteteve të Bashkuara të Amerikës, Donald Trump për të cilin thonë se është një ‘idiot’. Përmes një mesazhi nga zëdhënësi i grupit terrorist thuhet se SHBA-të janë “fundosur”.
Trump ka thënë gjatë fushatës së tij presidenciale se mposhtja e ISIS është prioritet i politikës së tij. Ai gjithashtu nënshkroi një memorandum me anë të së cilit pritet fokusimi në forcimin e përpjekjeve për të mposhtur grupin terrorist. Forcat e SHBA-së të mbështetura nga aleatët janë duke luftuar për të rimarrë dy qytete të mëdha të kontrolluara nga ISIS, konkretisht Mosulin në Irak dhe Raqqan në Siri.
